Testimònis

Ara seguida trobaratz un recuelh de videos entà conéisher es declaracions personaus de persones anonimes qu’an vengut a èster veritables testimònis d’aguesti hèts istorics.

Conxita Mestre (1935)

Sa papa ère eth proprietari deth ressèc de Pontaut, a pògui mètres deth pas fronterèr de Pònt de Rei, ena Val d’Aran. Conxita parle dera arribada massiva de refugiats ena frontèra de Pònt de Rei, dera ajuda ad aqueri que passauen era frontèra clandestinament e deth suïcidi de fòrça des qu’èren deportats tà França des dera Val d’Aran.

Hònt: Mireia Boya. Entrevista enregistrada en Les, agost de 2012.

Enrique Caubet (1925)

Enes ans 40 trebalhaue en Hotel Verdad de Vielha, un des punts d’acuelhuda de judius ena Val d’Aran. Enrique parle deth contacte qu’auec damb quauqui refugiats, era sua entrada clandestina, era estada en Vielha e era gessuda tà Lhèida.

Hònt: Mireia Boya. Entrevista enregistrada en Les, agost de 2013.

Francisco Pena (1932)

Era sua família se repartís entre Bossòst e Es Bòrdes e se dedicaue ara pagesia. Francisco mos parle dera entrada d’evadits pera Artiga de Lin.

Hònt: Mireia Boya. Entrevista enregistrada en Bossòst, hereuèr de 2014.

Irene Boya (1929)

Ère vesia des dependéncies der administrador de doanes de Les. Irene mos parle dera acuelhuda d’ua família judiva en casa sua e de com eth pòble de Les n’acuelhec fòrça d’auti dauant dera arribada massiva de refugiats.

Hònt: Mireia Boya. Entrevista enregistrada en Les, agost de 2012.

Josefa Busquet (1931) e Pilar Busquet (1934)

Es dues germanes parlen dera família d’evadits qu’acuelheren en casa sua, en Les e de com er Ajuntament demanèc a fòrça cases qu’ajudèssen a toti aqueri qu’arribauen en pòble.

Hònt: Mireia Boya. Entrevista enregistrada en Les, agost de 2012.

Alberto Poveda (1915-2011)

Foncionari deth Govèrn Civiu de Lhèida encargat des ahèrs relatius as estrangèrs detenguts en Pirenèu de Lhèida, parle des sòns rebrembes e experiéncies sus era arribada de refugiats judius enes comarques de Lhèida.

Hònt: Josep Calvet, entrevista enregistrada en Sort, octobre de 2005

Cèrca
November 2019
M T W T F S S
« Jan    
 123
45678910
11121314151617
18192021222324
252627282930  
Testimònis

Ara seguida trobaratz un recuelh de vidèus entà conéisher es declaracions personaus de persones anonimes que s'an convertit en vertadèrs testimònis d'aguesti hèts istorics

Més

Enlaci
~
Arkia + Info.
Xarxa de Juderies Espanyoles + Info.
~
Centro Sefarad - Israel + Info.