Eth Pònt de Rei

Pendent es ans dera Segona Guèrra Mondiau (1939-1944) milèrs de judius trauessèren es Pirenèus hugent dera persecucion a qué èren sosmetudi ena Euròpa ocupada pes nazis. Un gran nombre des que poderen húger, originaris d’Alemanha, Àustria, Polònia, Olanda, Belgica o França trauessèren es pòrts de montanha deth Pirenèu de Lhèida en evasions epiques, desafiant era susvelhança as dus costat dera frontèra, era climatologia, es nheuèrs e era duresa deth recorrut.

Eth Pònt de Rei.  © M. Solé. Servei d'Audiovisuals de l'IEI.

Eth Pònt de Rei.
© M. Solé. Servei d’Audiovisuals de l’IEI.

Vista deth Pònt de Rei.  © M.Solé. Servei d'Audiovisuals de l'IEI.

Vista deth Pònt de Rei.
© M. Solé. Servei d’Audiovisuals de l’IEI.

Era Val d’Aran siguec ua des vies principaus de penetracion de refugiats procedents des departaments francesi de Nauta-Garona e Arièja. Eth punt doanèr de Pònt de Rei siguec alavetz eth lòc d’arribada d’aqueri que pretenien entrar en Espanha damb era documentacion en règla. Un còp passat eth contròl policièr deishauen era Val d’Aran en direccion dera vila des d’a on partie eth batèu que les auie d’amiar en país tà on volien emigrar. Es pressions alemandes heren que des de mitat de 1940 eth govèrn espanhòu non acceptèsse as qu’èren portadors deth passapòrt e eth visat d’entrada. Des d’aqueth moment, es evasions s’auien de materializar a trauès des pòrts de montanha e, molti des detenguts sigueren expulsadi tà França a trauès de Pònt de Rei. Era major part sigueren capturadi e portadi tara preson de Vielha e despús amiadi tàs presons de Lhèida. A d’auti, se les permetec de lotjar-se en otèls de Les e Vielha. Entà toti eri, eth Pirenèu de Lhèida siguec era penultima frontèra abans d’arténher era sua libertat.

Cèrca
December 2019
M T W T F S S
« Jan    
 1
2345678
9101112131415
16171819202122
23242526272829
3031  
Testimònis

Ara seguida trobaratz un recuelh de vidèus entà conéisher es declaracions personaus de persones anonimes que s'an convertit en vertadèrs testimònis d'aguesti hèts istorics

Més

Enlaci
~
Arkia + Info.
Xarxa de Juderies Espanyoles + Info.
~
Centro Sefarad - Israel + Info.