Canejan

Pendent es ans dera Segona Guèrra Mondiau (1939-1944) milèrs de judius trauessèren es Pirenèus hugent dera persecucion a qué èren sosmetudi ena Euròpa ocupada pes nazis. Un gran nombre des que poderen húger, originaris d’Alemanha, Àustria, Polònia, Olanda, Belgica o França trauessèren es pòrts de montanha deth Pirenèu de Lhèida en evasions epiques, desafiant era susvelhança as dus costat dera frontèra, era climatologia, es nheuèrs e era duresa deth recorrut.

Presentació de documents d'un viatger a Eth Pònt de Rei. © M. Solé. Servei d'Audiovisuals de l'IEI

Presentació de documents d’un viatger a Eth Pònt de Rei.
© M. Solé. Servei d’Audiovisuals de l’IEI


Era Val d’Aran siguec ua des vies principaus d’entrada de refugiats. Centeats arribèren en Canejan a trauès des diuèrsi camins que provien deth departament francés de Nauta- Garona. Sonque en 1943 era Guàrdia Civil detenguec ath torn de 500 evadits, entre eri nombrosi judius. En ocasions, es judius evadits aueren era ajuda e eth supòrt de hilats d’evasion e era solidaritat des fòrça aranesi. Quauqu’uns poderen trauessar era Peninsula Iberica e arribar sense èster detengudi en Portugal, encara qu’era major part sigueren capturadi e portadi tara preson de Vielha e despús amiadi tàs presons de Lhèida. A d’auti, se les permetec de lotjar-se en otèls de Les e Vielha. Entà toti eri, eth Pirenèu de Lhèida siguec era penultima frontèra abans d’arténher era sua libertat.

Cèrca
September 2019
M T W T F S S
« Jan    
 1
2345678
9101112131415
16171819202122
23242526272829
30  
Testimònis

Ara seguida trobaratz un recuelh de vidèus entà conéisher es declaracions personaus de persones anonimes que s'an convertit en vertadèrs testimònis d'aguesti hèts istorics

Més

Enlaci
~
Arkia + Info.
Xarxa de Juderies Espanyoles + Info.
~
Centro Sefarad - Israel + Info.