Rotes senhalizades

ROTA PIRENÈU PALLARS SOBIRÀ (+Info) Era rota principau d’evasion des refugiats judius que hugien des deth departament francés dera Arièja, partie d’Aulús e arribaue en Palhars Sobirà pera montanha de Lladorre, a trauès deth pòrt de Guiló. Es cabanes des pastors e es bòrdes dera montanha de Lladorre, serviren entà qu’es refugiats reposèssen despús de dures caminades e d’èster permanentament perseguidi. Era majoria, totun, sigueren detengudi pera Guàrdia Civila, que patrolhaue toti es camins procedents de França. Er itinerari senhalizat comence eth port de Guiló (2.371 m), des d’a on se baishe enquiar estan Romedo de Baix. Despús de passar pera cabana de Llurri, s’arribe ena cabana deth Pla de la Borda, en Boavi, e d’aquiu, seguint deth cors der arriu de Lladorre, en pòble de Tavascan, abans de continuar cap ath sud per Ribera de Cardós, Llavorsí, Rialp e Sòrt.

ROTA PIRENÈU VAL D’ARAN & ALTA RIBAGORÇA (+Info) Era Val d’Aran siguec era via principau de penetracion de refugiats procedentes des departaments francesi de Nauta Garona e Arièja. En 1941, eth punt fronterèr de Pònt de Rei siguec alavetz eth lòc d’arribada d’aqueri que volien entrar en Espanha damb era documentacion en règla. Mès endeuant es evasions se heren a trauès des pòrts de montanha que portauen, principaument, tà Les, Canejan, Bossòst, Es Bòrdes e Montgarri. S’an senhalizat es lòcs d’Aran qu’aueren protagonisme en passat e era estada de refugiats: Pònt de Rei, Les, Bossòst, Es Bòrdes, Vielha, tunèl de Vielha, pòrt dera Bonaigua e Montgarri.

ROTA PIRENÈU ALT URGELL (+Info) Er Alt Urgell siguec era principau via de penetracion des refugiats judius procedenti deth Principat d’Andòrra per miei, fondamentaument, des camins de montanha qu’amiauen tar actuau municipi de Valls de Valira. Andòrra siguec un des epicentres deth pas d’evadits qu’auien coma objectiu arribar en Barcelona trauesssant pera sèrra deth Cadí o des dera Sèu d’Urgelh. Aquiu actuèren damb grana eficàcia desparièrs hilats d’evasion. Entre es diuèrsi itineraris utilizadi s’a senhalizat eth que gessie dera Rabassa e arribaue en Bescaran dempús de passar eth còth de Pimés e es bòrdes de Pudovern. Posteriorament se dirigís tà Estamariu e arribe ena Sèu d’Urgelh a trauès deth barri de Sant Antòni.

ROTA PIRENÈU CERDANYA (+Info) Centeats de judius arribèren clandestinament ena Cerdanya des deth Principat d’Andòrra a trauès des pòrts de Claror, Perafita, era Portella o Vallcivera. Eth sòn objectiu ère anar tà Barcelona a trauès dera sèrra deth Cadí, era Sèu d’Urgelh o era val der arriu Llobregat. S’a senhalizat er itinerari que gessie d’Escaldes Engordany (Andòrra) e passaue a trauès deth pòrt de Perafita. Un viatge en Catalonha, se baishaue enquiàs lacs dera Pera e, posteriorament, s’anaue tà Arànser, Lles, Travesseres e Martinet. Ère era rota mès cuerta entre Andòrra e era Cerdanya, que trauessaue granes estenudes de bòsc, causa que facilitaue poder passar de forma clandestina.

Cèrca
June 2019
M T W T F S S
« Jan    
 12
3456789
10111213141516
17181920212223
24252627282930
Testimònis

Ara seguida trobaratz un recuelh de vidèus entà conéisher es declaracions personaus de persones anonimes que s'an convertit en vertadèrs testimònis d'aguesti hèts istorics

Més

Enlaci
~
Arkia + Info.
Xarxa de Juderies Espanyoles + Info.
~
Centro Sefarad - Israel + Info.