Presentacion deth projècte

Il·lma. Sra. Rosa Maria Perelló i Escoda

Il·lma. Sra. Rosa Maria Perelló i Escoda

Eth projècte “Perseguidi e sauvadi” ei ua iniciativa dera Deputacion de Lhèida, era quau –a trauès der Institut d’Estudis Ilerdencs, eth Patronat de Turisme e era collaboracion d’ajuntaments e conselhs deth territòri– va ben mès enlà d’ua magnifica proposicion de recuperacion culturau, de rescat dera memòria istorica o dera promocion toristica deth Pirenèu de Lhèida.

En temps dera II Guèrra Mondiau, ath torn de 20.000 persones de cultura judiva arribèren en Catalonha trauessant es montanhes pirenenques, hugent dera barbaria e er orror nazis. Ues rotes d’evacuacion resseguides per famílies senceres en ues condicions de duresa extrema. Un gran nombre d’aguestes persones sauvèren era vida gràcies ara ajuda e emparament de ciutadans anonims deth Pirenèu de Lhèida.

“Perseguidi e sauvadi” ei un projècte locau de projeccion internacionau qu’ena practica represente era recuperacion d’ues rotes catalanes de hujuda deth pòble judiu ena Segona Guèrra Mondiau, mès que vò èster, ath madeish temps, un aumenatge ara gent anonima e comprometuda, e un reconeishement ara solidaritat entre dus pòbles, eth judiu e eth catalan, damb nombroses concomitàncies istoriques e socioculturaus.

Il·lma. Sra. Rosa Maria Perelló i Escoda
Presidenta dera Deputacion de Lhèida

Cèrca
August 2019
M T W T F S S
« Jan    
 1234
567891011
12131415161718
19202122232425
262728293031  
Testimònis

Ara seguida trobaratz un recuelh de vidèus entà conéisher es declaracions personaus de persones anonimes que s'an convertit en vertadèrs testimònis d'aguesti hèts istorics

Més

Enlaci
~
Arkia + Info.
Xarxa de Juderies Espanyoles + Info.
~
Centro Sefarad - Israel + Info.